Japonııa ımperatory 79 jasqa toldy
ASTANA. 23 jeltoqsan. QazAqparat - Japonııa ımperatory Akıhıto búgin 79 jasqa toldy, dep habarlaıdy ITAR-TASS.
Aǵymdaǵy jyldyń aqpanynda japondyq monarhtyń júregine birneshe márte ota jasalyp, ol óziniń mindetterin muragerlik hanzada Narýhıtoǵa birneshe aıǵa tapsyrýǵa májbúr boldy. Akıhıtonyń týǵan kúni qarsańynda ótken baspasóz máslıhatynda ımperator júregine ota jasatýǵa onyń densaýlyq jaǵdaıy ǵana emes, keler jyldyń 11 naýryzy kúni ótetin 2011 jylǵy Uly shyǵys jer silkinisiniń qurbandaryn eske alýǵa arnalǵan is-sharaǵa qatysý nıeti jetekshilik etkendigin aıtty.
«Men bul rásimge mindetti túrde qatysýǵa nıet bildirdim. Operatsııa osymen baılanysty jasaldy», - dedi ımperator.
Akıhıto sondaı-aq jasyna qaramastan, óziniń mindetterin budan ári de atqara berý nıetin jetkizdi. Eske salaıyq, onyń ákesi Hırohıto olardy 80 jastan asqannan keıin de atqardy.
