Japonııa ıeni qunsyzdanyp, sońǵy 24 jyldaǵy eń tómengi deńgeıge jetti

NUR-SULTAN. QazAqparat – Japonııa el ekonomıkasyn yntalandyrý úshin sheteldik týrıster úshin shekara talaptaryn tómendetýi múmkin, dep habarlaıdy QazAqparat BBC silteme jasap.

Japonııa mınıstrler kabıneti bas hatshysynyń orynbasary Seıdjı Kıhara jergilikti teledıdarǵa ıenniń álsireýi «sheteldik týrızmdi tartý úshin eń tıimdi» ekenin aıtty. Ótken aptada ıen 1,7 paıyzǵa qunsyzdanyp, sońǵy 24 jylda AQSh dollaryna shaqqandaǵy eń tómengi deńgeıge jetti. Sońǵy eki jyl ishinde Japonııa koronavırýstyń taralýyn báseńdetý sharalary aıasynda sheteldik týrısterdiń kópshiligine kirýge tyıym saldy.

Ótken jyly sheteldik qonaqtarǵa Tokıoda 2020 jyly keıinge qaldyrylǵan Olımpıada oıyndaryna qatysýǵa tyıym salyndy. Alaıda, osy aıda elge kirýge ruqsat etilgen sheteldik týrısterdiń sany kúnine 20 myńnan 50 myńǵa deıin ósti.

Foto:bbc.com