Japonııa halqynyń sany on úshinshi jyl qatarynan azaıyp keledi

ASTANA. KAZINFORM – 2023 jyldyń qazan aıynda Japonııa halqynyń sany 124,35 mıllıon adam boldy. Bul ótken jylmen salystyrǵanda 595 myń adamǵa az. Buǵan eldiń Ákimshilik ister jáne kommýnıkatsııalar mınıstrliginiń málimetteri dálel, dep jazady Anadolu.

Vedomstvonyń málimetinshe, bul kórsetkish on úshinshi jyl qatarynan tómendegen.

2022 jyldyń qazan aıynan 2023 jyldyń qazan aıyna deıin japon azamattyǵyna ıe japon azamattarynyń sany 837 myń adamǵa azaıǵan. Bul – 1950 jyldan bergi eń úlken tómendeý.

Japonııada 65 jastan asqan qarttardyń sany 36,4 mıllıonǵa jetken, bul – jalpy halyqtyń 29,1 paıyzy.

75 jastan asqan japon turǵyndarynyń sany 20,08 mıllıonǵa ósken. Al 14 jasqa tolmaǵandar sany shamamen 14,1 mıllıonǵa deıin azaıǵan.