Japonııa halqy bir jylda mıllıonǵa jýyq adamǵa azaıdy
ASTANA. KAZINFORM – Japonııa halqynyń sany 42 jylda alǵash ret 120 mıllıonnan tómendedi. El halqy 2025 jyly 917 000-ǵa azaıdy. Bul resmı statıstıka bastalǵannan bergi eń tómen kórsetkish, dep habarlaıdy Anadoly.
Japonııa Іshki ister jáne kommýnıkatsııalar mınıstrliginiń málimeti boıynsha, 2025 jyldyń sońynda Japonııa azamattarynyń sany 119 736 483 adam boldy. Bul aldyńǵy jylmen salystyrǵanda 917 000 adamǵa az.
Bul el resmı statıstıkany júrgize bastaǵan 1968 jyldan bergi Japonııa azamattary sanynyń jyl saıynǵy eń tómen kórsetkishin bildiredi. Osylaısha, bul 1983 jyldan beri halyq sanynyń 120 mıllıonnan tómen túsken alǵashqy jaǵdaı bolyp otyr.
Mınıstrlik 2025 jyly Japonııada shamamen 670 000 adam dúnıege kelgenin, al ólim sany shamamen 1,6 mıllıon bolǵanyn habarlady.
Sonymen qatar Japonııada turaqty turýǵa ruqsaty bar sheteldik azamattardyń sany 354 000-ǵa artyp, 4 031 159-ǵa jetti.
Shetel azamattaryn qosa alǵanda, Japonııanyń jalpy halqy 123 767 642 adam boldy.
Úkimettiń baǵalaýy boıynsha, halyq sanynyń azaıýy qoǵamnyń qartaıýy men týý deńgeıiniń tómendeýine baılanysty.
Japonııadaǵy jer silkinisinen 3 adam qaza taýyp, 19 adam iz-túzsiz joǵalǵanyn jazǵan edik.
