Japonııa Halyqaralyq ǵarysh stansasyna ushqyshsyz jańa júk kemesin sátti jetkizdi

ASTANA. KAZINFORM — Japonııa Halyqaralyq ǵarysh stansasyna (HǴS) jańa HTV-X atty ushqyshsyz júk kemesin attandyrdy, dep habarlaıdy Kyodo.

Keme Tanegasıma ǵarysh aılaǵynan H3 tasyǵysh zymyranynyń kómegimen ushyryldy. HTV-X jańa energııa júıesimen jabdyqtalǵan jáne onyń tómen temperatýrany qajet etetin tájirıbelik úlgilerdi tasymaldaýǵa múmkindigi bar.

Keme 30 qazanda Halyqaralyq ǵarysh stansasyna jetedi dep kútilip otyr. Ol stansada alty aı boıy jumys istep, keıin taǵy úsh aı orbıtada synaq júrgizý úshin qalady.

Japon aeroǵaryshtyq zertteýler agenttiginiń (JAXA) málimetinshe, HTV-X shamamen 6 tonna júk tasymaldaı alady. Bul kórsetkish onyń aldyndaǵy Kounotori kemesiniń júk kótergishtiginen 1,5 ese artyq.

Eske sala keteıik, buǵan deıin ǵaryshqa 10 myńnan astam Starlink spýtnıkteri shyǵarylǵanyn jazǵanbyz.

Al tuńǵysh qazaq áıeliniń ǵaryshqa sapary qalaı ótkenin myna jerden oqı alasyz.