Japonııa halal ónimge den qoıa bastady
ASTANA. QazAqparat - Japondar kúlli álemge Azıada halal ındýstrııasynyń damyp kele jatqanyn kórsetýdi maqsat etip, óz elinde sharıǵat talaptaryna saı óndirilgen azyq-túlik kórmesin ótkizýdi josparlap otyr, dep habarlady www.24.kz.
Bıylǵy jyldyń 26-27 qarasha aralyǵynda ótetin kórmeniń taqyryby - «Japondyq halal ónimderdiń ǵalamǵa taralýy jáne otandyq halal óndirisiniń damýy». Shara aıasynda «Japonııada jasalǵan» degen atpen jármeńke ótedi. Onda sharıǵat talaptaryna jaýap beretin ónimder jurtshylyqtyń nazaryna usynylady. Forýmǵa otandyq jáne halyqaralyq deldaldar, halal ónimderdi sertıfıkattaýmen aınalysatyn uıymdardyń ókilderi men sarapshylar qatysady. Japonııa bıligi eldegi halal ındýstrııany damytýǵa 2004-2013 jyldar aralyǵynda kúnshyǵys eline musylman týrısterdiń qaptap kele bastaǵan kezden beri mán bere bastaǵan. 2004-2013 jyldar aralyǵynda kúnshyǵys eline álemniń túkpir-túkpirinen kelgen musylman týrısterdiń qarasy 7,2%-dan asyp jyǵylǵan.
Al 8-10 jeltoqsan aralyǵynda Birikken Arab Ámirlikteriniń Sharj qalasynda halal ónimderge arnalǵan ІІІ halyqaralyq OIC HALAL MIDDLE EAST kórmesi ótedi. 5000 sharshy aýmaqty alatyn alańda ótetin osynaý sharaǵa álemniń 29-dan asa eli qatysady.
