Japonııa Gaaga trıbýnalyna shaqyrylýy múmkin
ASTANA. 12 sáýir. QazAqparat - Japonııany Gaaga trıbýnalyna sotqa tartý kerek, bul týraly atomdyq energetıka mamandary Máskeýde bolǵan baspasóz maslıhatynda málim etti, dep jazady Ýtro.ru.
«Japonııa aldaǵy ýaqytta muhıtqa birneshe myń tonna tómen aktıvti qaldyqtardy aǵyzatynyn habarlady. Tómen aktıvti qaldyqtardy aǵyzý arqyly Japonııa álemdik qaýymdastyqtyń áreketin baıqaǵysy keledi. Tómen aktıvti qaldyqtardan keıin Japonııa muhıtqa ortasha, joǵary aktıvti qaldyqtardy aǵyza bastaıdy. Eshqandaı ǵylymı esepter jasalmaǵan, aǵyzý aımaǵy, muhıttyń aǵys baǵyty anyqtalmaǵan. «Fýkýsıma-1» AES-inde 11,5 myń tonna radıoaktıvti qaldyq jınalǵan, atom stansasynyń qyryq jyl jumys isteýiniń ishinde japondyqtar atomdyq qaldyqty óńdemegen», - dedi «Rosatom» Qoǵamdyq keńesiniń múshesi Vladımır Kýznetsov.
«Sondyqtan, bizdiń SІM, sonymen qatar Soltústik pen Ońtústik Koreıa Japonııanyń is áreketine batyl qarsy shyǵý kerek. BUU QK tez arada shaqyrý kerek. AQSh iske aralasýy kerek», - dedi V.Kýznetsov.
