Japonııa esepke alýda 80 ıadrolyq bomba jasaýǵa jetetin plýtonııdi «umytyp» ketken
ASTANA. QazAqparat - Japonııa úkimeti Halyqaralyq atom energııasy agenttigi (MAGATE) úshin qolda bar qor týraly jyl saıynǵy eki baıandamasynda qatelesip, 640 kelige jýyq plýtonııdi eske almaǵan. Bul týraly ITAR-TASS japondyq atom energetıkasy jónindegi úkimettik komıssııaǵa silteme jasap habarlady.
MAGATE úshn 2012 jáne 2013 jyldardaǵy japondyq baıandamalarǵa sáıkes eldegi plýtonıı qory 1,6 tonnany quraıdy, al bul kórsetkish 2011 jyly shamamen 2,2 tonna bolǵan edi. Sońynan anyqtalǵandaı, «joǵalǵan» 2011-2012 jyldar arasyndaǵy 640 keli polýtonıı osy kezderi MOKS-otyn retinde «Genkaı» (Japonııanyń ońtústigindegi Saga prefektýrasy) AES reaktorlarynyń birinde saqtalǵan. Eldegi barlyq atom elektr stansasy sııaqty, AES «Fýkýsıma-1»-degi apattan keıin toqtatylǵan bolatyn, degenmen onda saqtalǵan otyn paıdalaný esebinde turǵan. Sondyqtan da japondyq resmı adamdar ony halyqaralyq retteýshi úshin baıandamaǵa kiristirmeý jóninde sheshim qabyldaǵan.
Eskerilmegen plýtonıı shamamen 80 ıadrolyq bomba jasaýǵa jetkilikti. Degenmen, Japonııanyń atom energetıkasy jónindegi komıssııasy qujattamadaǵy qatelik el bıliginiń qaýipti materıaldar qorlaryna baqylaýynyń álsiregenin bildirmeıtinin atap ótken.
«Plýtonıı qorlary qaýipsizdigine qater týyndaǵan joq», dep atap ótilgen komıssııanyń málimdemesinde.
Budan buryn Japonııa AQSh-pen Vashıngtonǵa shamamen 331 keli joǵary dárejede baıytylǵan plýtonııdi odan ári óńdeý úshin berýge ýaǵdalasqan bolatyn. Bul sheshim Japonııadaǵy plýtonııdiń qarýlyq qorlary halyqaralyq lańkesterdiń nysanasyna aınalýy múmkin degen qaýippen amerıkandyq taraptyń ótinishimen qabyldanǵan edi.
