Japonııa elshiligi Qytaıdaǵy azamattaryn saq bolýǵa shaqyrdy

ASTANA. KAZINFORM – Qytaıdyń Chjýhaı qalasynda bolǵan kólikpen adamdardy basyp ketý oqıǵasynan keıin Japonııanyń Qytaıdaǵy elshiligi 12 qarasha kúni japon azamattaryna qaýipsizdik eskertýin jarııalady, dep habarlaıdy RFI halyqaralyq frantsýz radıosy.

Elshilik japon azamattaryna «japon tilinde qatty sóılemeýge» jáne «nazar aýdartatyn áreketterden aýlaq bolýǵa» keńes berdi.

Elshiliktiń málimdeýinshe, qazirge deıin bul oqıǵadan zardap shekken japon azamattary týraly aqparat joq, biraq Qytaıda sońǵy ýaqytta birqatar qandy oqıǵalar tirkelgen.

Elshilik japon azamattaryna jergilikti ádet-ǵuryptardy qurmetteýge, aınalaǵa saq bolýǵa jáne kópshilik oryndarda sergek bolýǵa shaqyrdy.

Sonymen qatar, túngi ýaqytta jalǵyz júrmeýge jáne kúndiz de jalǵyz saparlardy azaıtýǵa keńes berildi. 

Aıta keteıik, 11 qarasha, dúısenbi kúni, Qytaıdyń ońtústigindegi Chjýhaı qalasynda er adam kólikpen kópshilikke soǵylyp, 35 adam qaza tapty. 43 adam aýyr jaraqat alǵan.