Japonııa elshisi Túrki Akademııasynyń Qurmet gramotasymen marapattaldy
ASTANA. QazAqparat - Túrki akademııasy halyqaralyq uıymynyń (TWESCO) basshysy Darhan Qydyráli Astanada Japonııanyń Qazaqstandaǵy Tótenshe jáne Ókiletti Elshisi Ichıro Kavabatany TWESCO - Qurmet gramotasymen marapattady, dep habarlaıdy «QazAqparat» HAA tilshisi.
Akademııa marapaty Elshi myrzaǵa «Halyqtar arasyndaǵy ǵylym men bilim salasyndaǵy yntymaqtastyqty nyǵaıtýǵa qosqan úlesi úshin» taǵaıyndalyp otyr.
Saltanatty marapattaý rásimi Ulttyq akademııalyq kitaphanada «Tulǵalar taǵylymy» serııasy boıynsha Akademııa uıymdastyrǵan ekinshi semınar aıasynda ótti.
«Bizdiń alǵashqy semınarymyz Japonııa elshiliginiń qoldaýymen «Ábdiráshıt Ibrahım jáne Japonııadaǵy musylmandar» atty taqyrypta ótken. Arnaıy kelgen qonaǵymyz professor Hısao Komatsý óte tanymdyq dáris oqyǵan. Birinshi semınardy ótkizýde qoldaý jasaǵany úshin Japonııanyń Qazaqstandaǵy Tótenshe jáne Ókiletti Elshisi Ichıro Kavabataǵa berýdi jón kórip otyrmyz», - dedi Darhan Qydyráli.
Aıta ketý kerek, Túrki akademııasy men Japonııanyń ǵylymı ordalary arasynda berik yntymaqtastyq ornaǵan. Atap aıtqanda, Akademııanyń «Túrki áleminde tulǵalar taǵylymy» serııasy boıynsha ótkizgen alǵashqy semınarynda tokıolyq tanymal túrkitanýshy Hısao Komatsý tatar halqynyń kórnekti qaıratkeri Ábdiráshıt Ibrahım jaıly túrik tilinde dáris oqyǵan bolatyn. Budan bólek, 2017 jyldyń qazan aıynda Akademııa basshysy bastaǵan delegatsııa Halyqaralyq akademııalar odaǵynyń arnaıy shaqyrtýymen Japonııada bolyp, birqatar kezdesýler ótkizgen.
