Japonııa Demokratııalyq partııasynyń kóshbasshysy burynǵy SІM basshysy Katsýıa Okada boldy
ASTANA. QazAqparat - Jeksenbi kúni Japonııadaǵy iri oppozıtsııalyq Demokratııalyq partııanyń (JDP) basshysy bolyp, onyń tóraǵasy qyzmetin ýaqytsha atqarǵan Katsýıa Okada saılandy, dep habarlady RIA Novostı.
Partııa konferentsııasynda eki týrdaǵy merziminen buryn daýys berý nátıjesinde ol óziniń qarsylastary - burynǵy densaýlyq jáne eńbek mınıstri Akıra Nagatsýmany, sondaı-aq burynǵy partııanyń bas hatshysy Gosı Hosonony basyp ozdy.
Partııa konferentsııasynda 130 parlament múshesi daýys berdi, al qalǵan 230 myń JDP músheleri óz daýystaryn aldyn ala berdi.
Okada kóp jyldardan beri osy partııadaǵy basty tulǵa bolyp sanalady. Partııa bılikte bolǵan kezde Okada Japonııa syrtqy ister mınıstri boldy, vıtse-premer laýazymyn da atqardy. JDP tóraǵasyn merziminen buryn saılaý ótken aıda onyń burynǵy kóshbasshysy Banrı Kaıedy japon parlamentindegi ornynan aıyrylyp qalǵannan keıin otstavkaǵa ketýine baılanysty ótkizildi.
Japonııa Demokratııalyq partııasy 1998 jyly quryldy, al 2009 jyly ol alǵash ret bılikke keldi. 2012 jyly eldi basqarýǵa qazirgi premer-mınıstr Sındzo Abe bastaǵan Lıberal-demokratııalyq partııa oraldy.
