Japonııa byltyr 27 bosqyndy ǵana qabyldaǵan
ASTANA. QazAqparat - Japonııa byltyr tek qana 27 bosqyndy qabyldaǵan, al basqa baspana berý týraly ótinishter keri qaıtarylǵan, dep habarlaıdy Bı-Bı-Sı agenttigi.
Eldiń ádilet mınıstrligi bosqyn mártebesin suraǵan 7586 ótinish kelip túskenin málimdegen. ıAǵnı, baspana suraǵandardyń 99 paıyzynyń ótinishi qanaǵattandyrylmaǵan.
Bosqyn mártebesin alýǵa ótinish bergen bes sırııalyq bolsa, onyń úsheýine ǵana osy elde qalýǵa ruqsat berilgen.
Bir qyzyǵy, 2014 jyly Japonııa 5 myń ótinishten 11 adamǵa ǵana ruqsat bergen.
Quqyq qorǵaýshylar Japonııanyń ımmıgratsııalyq bıliginiń talaptarynyń qatty ekendigin synǵa alýda.
BUU-nyń bosqyndar isi jónindegi agenttiginiń derekterine qarasaq, Japonııa 2,4 myń bosqyn panalatsa, AQSh-ta 267 myń, Túrkııada 1,8 mln bosqyn turyp jatyr.
