Japonııa budan bylaı atom energetıkasyna táýeldiligin tómendete bermek
ASTANA. 6 qańtar. QazAqparat - Japonııa óz jerinde jańa atom reaktorlaryn salmaıtyn bolady. Bul týraly Japonııanyń premer-mınıstri Sındzo Abe baspasóz máslıhatynda málim etti, dep habarlaıdy ITAR-TASS agenttigi.
«Budan bylaı eldiń atom energetıkasyna degen táýeldiligin birte-birte tómendete bermekpiz», - dedi S.Abe. «Bizde jańa reaktorlar salý jóninde eshqandaı jospar joq», - dep atap ótti ol. Sonymen qatar, onyń aıtýynsha, japon úkimeti elde apattyq jaǵdaıǵa baılanysty toqtap qalǵan reaktorlardyń jumysyn qaıta jandandyrýdyń qajettiligine de kúmánmen qaraýda.
«Fýkýsıma-1» atom elektrstansasyndaǵy apattan keıin Japonııada barlyq AES-tiń jumysy toqtatylǵan bolatyn. Úkimet byltyr qabyldanǵan qatań qaýipsizdik talaptaryna jaýap beretin birqatar reaktorlardy iske qosýdy oılastyrýda. Qazirgi ýaqytta 4 japondyq kompanııa 6 AES-tegi 12 reaktordy qosý jóninde usynys tastady. Olardyń ótinishin aýmaq basshylyǵy qarap jatyr. Atalǵan máselege qatysty sheshim 2014 jyldyń alǵashqy aılarynda qabyldanýy tıis.
