Japonııa bir táýlikte 1 mln adamdy koronavırýsqa qarsy ekti
Shveıtsarııada shekteý sharalary birtindep jeńildetilýde. 26 maýsymda elde qashyqtan jumys isteý rejımi, kóshede bet perdeni kııý mindeti alyndy. Sondaı-aq, azamattar óziniń ekpe saldyrǵandyǵyn rastaıtyn kýálikti, COVID-19 ınfektsııasynan saýyǵyp shyqandyǵy týraly nemese PTR-testiń teris nátıjesi bar anyqtamany usynǵan jaǵdaıda, meıramhanalarǵa kelýshilerdiń jáne jappaı is-sharalarǵa qatysýshylardyń sanyna qoıylǵan shekteýler alynyp tastalmaq.
Shengen aımaǵyndaǵy basqa elderdiń azamattary Shveıtsarııaǵa kelgennen keıin endi karantınge jatýǵa mindetti emes. Biraq Úndistannan, Ulybrıtanııadan jáne koronavırýstyń jańa nusqalary qarqyndy taralyp jatqan elderden saparlaıtyn azamattar úshin shekteýler kúshin joıǵan joq.
Jańa Zelandııa astanasy Vellıngtonda kelýshilerdiń birinen koronavırýs ınfektsııasy anyqtalǵandyqtan, shaharda shekteý sharalary engizildi. Bul sharalardyń lokdaýnǵa jatpaıtyndyǵyn atap ótken jón. Bılik ókilderi mundaı árekettiń «saqtyq sharalary» ekendigin aıtty. Mektepter men dúkender ashyq qalsa da, áleýmettik baılanysqa qoıylǵan shekteýler alynǵan joq. Osylaısha, 100-den astam adamnyń jınalýyna tyıym salynady. Іs-sharalarǵa qatysýshylardyń barlyǵy ózara 1-2 metrlik qashyqtyqty saqtaýy tıis.
Japonııa halyqty ımmýndaý boıynsha ishki rekord ornatýda. Ótken táýlikte koronavırýs ınfektsııasyna qarsy ekpeni 1 mln adam aldy. Memleket bıligi shildeniń sońyna deıin eldiń barlyq qarttaryn, al qarashaǵa deıin eldegi barlyq eresek turǵyndardy vaktsınalaý úshin egý sharalarynyń qarqynyn tómendetpeýge nıetti. Qazirgi ýaqytta 125 mıllıon japondyqtyń tek 18% vaktsınanyń kem degende bir komponentin saldyrǵan.
