Japonııa byltyrǵy parlament saılaýyn konstıtýtsııaǵa qaıshy dep jarııalady

ASTANA. KAZINFORM — Japonııa Joǵarǵy soty 2025 jyldyń shildesinde ótken parlamenttiń joǵarǵy palatasy saılaýyn Konstıtýtsııada bekitilgen saılaýshylar daýysynyń teńdigi qaǵıdatyna qaıshy jaǵdaıda ótti dep tanydy. Bul týraly Kyodo habarlady.

ıAponııa prıznala nekonstıtýtsıonnymı vybory v parlament
Foto: Kyodo

Saılaý okrýgterindegi halyq sanynyń aıyrmashylyǵyna baılanysty daýys salmaǵy aıtarlyqtaı erekshelendi. Mysaly, halqy tyǵyz ornalasqan Kanagava prefektýrasynda 1 daýystyń salmaǵy turǵyndary az Fýkýı prefektýrasyna qaraǵanda 3,13 ese az boldy.

Óz sheshiminde Joǵarǵy sot parlamenttiń daýystar salmaǵyndaǵy aıyrmashylyqty azaıtý jónindegi kúsh-jigeriniń is júzinde toqtap qalǵanyn aıta kele, 3,13 ese aıyrmashylyqty elemeýge bolmaıtynyn málimdedi.

Sonymen qatar sot saılaý nátıjelerin joıý týraly ótinishterdi qabyldamady.

Joǵarǵy sot atalǵan sheshimdi shyǵarar aldynda tómengi ınstantsııadaǵy sottar 16 talap aryzdy qaraǵan. 11 iste sot daýystar salmaǵynyń árkelki bolýy konstıtýtsııaǵa qaıshy dep tapsa, bes sot saılaý konstıtýtsııaǵa saı ótti degen toqtamǵa kelgen.

Japonııadaǵy saılaýlar buryn da 2013 jáne 2010 jyldary konstıtýtsııaǵa qaıshy dep tanylǵan bolatyn. Sol kezde daýys salmaǵynyń aıyrmashylyǵy sáıkesinshe 4,77 jáne 5 esege jetken.

Eske sala keteıik, ótken aptada AQSh Kongresine aralyq saılaý ótip, demokrattar jeńiske jetken bolatyn.

Al ótken aıda Izraılde parlament saılaýynyń nátıjesi shyqty.

Sondaı-aq Jańa Zelandııada ótken parlamenttik saılaýdan keıin eldiń jańa úkimeti qandaı saıası kúshterden jasaqtalatyny ázirge belgisiz qalyp otyr.