Japonııa bankteri ıakýdzamen kúres naýqanyn bastady
ASTANA. QazAqparat - Japonııa bankteri 2015 jyly "qoǵamǵa qarsy toptarmen baılanysy bar klıenttermen" kúresin jandandyrady, dep habarlaıdy Kyodo News.
Resmı qujattarda bul termınmen ádette japondyq mafııa - ıakýdzalardy ataıdy.
Japonııa bankırleriniń qaýymdastyǵy el bankterinen jaqynda jyljymaıtyn múlikti satyp alý jáne basqa da nesıelerdi alý ótinimderin bergen adamdardy tekserýdi talap etti.
Bankter men ıakýdzanyń kúmándi qatynastary 2013 jyly Mizuho Bank-ta oryn alǵan oqıǵadan keıin azaıǵan. Sol kezde eldiń jetekshi qarjy ınstıtýttarynyń biri Mizuho Bank uıymdasqan qylmystyq toptarǵa tutynýshylyq nesıelendirý mehanızmderi arqyly nesıeler bergen.
Jańa júıe bankterge polıtsııanyń ıakýdza músheleri jáne olarmen úlestes kompanııalar men tulǵalar týraly málimetter bazasynyń qoljetimdi bolýyn usynady.
