Japonııa bankomattarynan eki saǵattyń ishinde 13 mln dollar urlandy
ASTANA. QazAqparat - Búkil Japonııa aýmaǵyndaǵy 1,4 myń bankomattan eki saǵattyń ishinde jalpy alǵanda 1,4 mıllıard ıen (13 mıllıonǵa jýyq dollar) somadaǵy aqsha urlandy.
Bul týraly The Japan Times-qa silteme jasaǵan Lenta.ru habarlady.
Oqıǵa 15 mamyrda oryn alǵan, alaıda bul týraly tek endi ǵana belgili bolyp otyr. Qolma qol aqshany zańsyz alý oqıǵalary Tokıo qalasynda jáne taǵy 16 prefektýrada tirkelgen. Tergeýshiler qylmysqa 100-ge jýyq qaskúnem qatysty ekenin jobalap otyr. Shamamen 14 myń tranzaktsııanyń árqaısysynyń barysynda olar 100 myń ıen (900 dollardan kóp) somada aqsha sheshken. Bul rette OAR bankteriniń birinen urlanǵan paıdalanýshylardyń málimetteri jazylǵan jalǵan plastık kartochkalary paıdalanyldy.
Quqyq qorǵaý organdary qyzmetkerleri urlyqqa iri halyqaralyq qylmystyq uıymdasqan toptyń músheleri qatysy bar dep sanaıdy.
Qazirgi kezde polıtsııa aqshany urlaǵandardy anyqtaý úshin beınebaqylaý taspalaryndaǵy jazbalardy tekserip jatyr.
