Japonııa áıelderdiń ómir súrý uzaqtyǵy boıynsha taǵy rekord ornatty

ASTANA. KAZINFORM — Japonııanyń Densaýlyq saqtaý mınıstrligi 2024 jyly áıelderdiń ortasha ómir súrý uzaqtyǵy 87,13 jasty, al er adamdar úshin 81,09 jasty quraǵanyn málimdedi, dep habarlaıdy oxu.az.

Málimdemege sáıkes, Japonııa áıelder arasyndaǵy ómir súrý uzaqtyǵy boıynsha 40-ret álemdik rekord ornatty.

Kórsetkishter ótken jylmen salystyrǵanda is júzinde ózgerissiz qaldy: áıelderdiń ómir súrý uzaqtyǵy nebári 0,01 paıyzǵa artty, al erlerdiki 2023 jylǵy deńgeıde qaldy.

Áıelder arasyndaǵy kóshbasshylyqqa qaramastan, japondyq er adamdar ómir súrý uzaqtyǵy boıynsha álemde Shvetsııa, Shveıtsarııa, Norvegııa jáne t.b. elderden keıin altynshy orynda tur.

Japonııa Densaýlyq saqtaý mınıstrliginiń málimetinshe, sońǵy bir jylda elde júrek-qan tamyrlary aýrýlarynan bolatyn ólim-jitim azaıǵan. Sonymen qatar, Japonııada adamdar tabıǵı sebepterden jıi óledi.

Mınıstrlik eldegi ómir súrý uzaqtyǵynyń ósýi COVID-19 vırýsynan qaıtys bolǵandar sanyna baılanysty baıaýlady dep túsindirdi. 2023 jyly kórsetkish teńese bastaǵan.

Eske sala keteıik, Japonııada 60 jastan asqan ájelerdi «jalǵa alý» qyzmeti tanymal bolyp keledi.