17:33, 10 Qazan 2024 | GMT +6
Japonııa áıelder quramasy ústel tennısinen Azııa chempıony atandy
ASTANA. KAZINFORM – Astanada ótip jatqan ústel tennısinen Azııa chempıonatynda áıelder arasyndaǵy komandalyq báseke óz máresine jetti.
Fınaldyq saıysta Qytaı quramasy men Japon quramasy kezdesti.
Japondyq qyzdar myqty qarsylastaryn 3:1 esebimen jeńip, Azııa chempıony atandy. Al jartylaı fınalda japondyqtardan jeńilgen Úndistan quramasy qola medal ıelendi.
Qazaqstan áıelder quramasy ekinshi grýppada Ońtústik koreıa men Mońǵolııa quramasyna jol berdi. Sondaı-aq, qazaqstandyq qyzdar Ózbekstan men Iran áıelder quramasynan jeńilip, 14-orynnan kórindi.
Aıta keteıik, Qazaqstan erler komandasy 7-8 oryn úshin saıysta Irandy 3:1 esebimen jeńip, shırek fınalda Úndistanǵa jol bergen bolatyn.
