Japonııa atom-elektr stansasynan radıatsııanyń taralýy saldarynan Qytaıda tuzǵa suranys kúrt artyp otyr

Jergilikti BAQ-tardyń habarlaýynsha, bul dúrbeleńge «Japonııanyń «Fýkýsıma-1» atom-elektr stansasynan taraǵan radıatsııanyń teńiz sýynan óndiriletin tuzdy ýlandyratyny» týraly ósek-áńgime sebep bolǵan. Osy áńgimege oraı Beıjińde, Shanhaıda, Chjetszıan, Gýandýn, Sychýan ýálaıattarynda, tipti eldiń soltústik-batysynda ornalasqan Shyńjań-Uıǵyr avtonomııalyq ólkesinde de halyq dúrligip, qap-qappen tuz satyp ala bastady. Keı jerlerde tuzdyń baǵasy 5-10 esege ósip otyr.

Qytaılyqtar yqtımal radıtsııalyq qaterden qorǵaıdy degen úmitpen ıodtalǵan tuzdy da satyp alýda.

«Sınhýa» agenttiginiń aqparaty boıynsha, el ókimeti azamattardy dúrlikpeýge shaqyryp, olardy qajetti tuzben qamtamasyz etýge jáne onyń turaqty baǵasyn ustap turýǵa ýáde berýde. Al teńiz sýynyń jaǵdaıyn baqylaýǵa jaýapty vedomstvonyń ókilderi, tuz óndirisine qaýiptiń joq ekenin, sý aǵyny radıatsııamen ýlanǵan zattardy jaǵalaýdan alys áketetinin aıtýda.

Qytaı Syrtqy ister mınıstrliginiń resmı ókili Tszıan ıÝıdiń málimdeýinshe, Qytaı japon tarapynyń «Fýkýsıma-1» stansasyndaǵy jaǵdaı týraly jáne oqıǵanyń órbý boljamy týraly naqty málimetterdi ýaqtyly berip otyratyndyǵyna úmit artady.

17 naýryzdaǵy radıatsııalyq monıtorıngtiń nátıjesi boıynsha, Qytaıdyń barlyq qalalarynda radıatsııanyń deńgeıi tabıǵı radıatsııalyq fonnan aspaǵan.