Japonııa atom elektr stansasyn qaıta iske qospaq
ASTANA. QazAqparat - Japonııada atom energetıkasyn baqylaý boıynsha komıtet «Sendeı» AES-niń birinshi jáne ekinshi energııalyq blogyn qaýipsizdiktiń jańa normalaryna sáıkes keledi dep tanydy.
Osy arqyly «Sendeı» 2011 jyly «Fýkýsıma» stansasyndaǵy apattan keıin qaıta iske qosylǵan birinshi AES bolyp tabylady. Atap aıtqanda, «Sendeı» stansasy qaýipsizdiktiń jańa standarttaryn eskere otyryp qaıta jasaqtalǵan, dep jazady VVS.
Japonııa bıliginiń ýádesine qaraǵanda, endi «Sendeı» AES-i tabıǵı apattarǵa tótep berýge qaýqarly bolyp otyr.
Esterińizge sala keteıik, 2011 jyldyń kóktemindegi jer silkinisi men tsýnamıdiń saldarynan «Fýkýsıma-1» atom elektr stansasynda asa iri apat oryn alǵannan keıin, Japonııada barlyq atom elektr stansalary toqtatylǵan edi. Qazirgi kezde el úkimeti atalǵan AES-ti qaıta qosýǵa talpynýda. Bul óz kezeginde osy eldegi elektr energııasyna qajettiliktiń basym bóligin qamtamasyz etpek.
Ótken jyldyń shildesinde Japonııada ıadrolyq nysandar úshin qaýipsizdiktiń jańa normalary kúshine endi.
