Japonııa: Ata-anasy jaza retinde ormanda tastap ketken bala 6 kúnnen keıin aman tabyldy
ASTANA. QazAqparat - 28 mamyrda Japonııanyń Hokkaıdo aralynda ata-anasy jaza retinde ormanda tastap ketken jeti jasar bala osyǵan deıin ulttyq qorǵanys kúshteriniń oqý polıgonynda ornalasqan qurylystardyń birinde bolǵan. Bul týraly juma kúni Soltústik Japonııa prefektýrasynyń quqyq qorǵaý organdary habarlady, dep jazdy TASS.
Komagatake polıgony ata-anasy balasyn tastap ketken jerden 4 shaqyrym qashyqtyqta ornalasqany atalyp ótildi. ıAmato esimdi bala alty kún boıy polıgondaǵy qurylystardyń birinde bolǵan. Ol sý iship, adamdar ony tabatynyn kútken.
28 mamyrda keshke balany tártipsiz qylyǵy úshin ata-anasy kólikten shyǵaryp, ormanda tastap ketken. Bes mınýttan keıin balany áketýge kelse, ol tastaǵan jerde joq bolyp shyǵady. Іzdeý jumystaryna júzdegen adam qatysty.
