Japonııa astanasy mańda turǵyn úıdiń ústine jeńil ushaq qulady
ASTANA. QazAqparat - Tokıoǵa jaqyn mańdaǵy japondyq Tefý qalasynda turǵyn úıdiń ústine jeńil ushaq qulady, dep habarlady TASS.
Oqıǵa orny tikeleı beınelegen kadrda úıindiden shyqqan tútin anyq kórinedi. Bir úı tolyqtaı janyp ketip, taǵy eki úı zaqymdanǵan, aýladaǵy eki kólik te órtke oranǵan. Órt sóndirý qyzmetinen habarlaǵandaı, úıde tórt adam bolǵan, taǵy bir adam ushaqta qalyp qoıǵan. Qıraǵan úı úıindileriniń astynan qutqarýshylar úsh adamdy alyp shyqty, onyń ekeýi essiz kúıde. Basqa zardap shegýshiler týraly málimet ázirge joq. Alaıda jaraqat alǵandar sany artýy múmkin. Kyodo agenttiginiń habarlaýynsha, ushaq bes adamǵa arnalǵan, biraq onyń ishinde jolaýshylardyń bolǵan-bolmaǵandyǵy anyqtalyp jatyr.
Oqıǵa ornynda qutqarýshylar, órt sóndirýshiler jumys isteýde. Ushaqtyń qulaý sebebi ázirge belgisiz.
