Japonııa álemdegi eń qýatty sýperkompıýter jasamaqshy
ASTANA. QazAqparat - Japonııanyń AIST (National Institute of Advanced Industrial Science and Technology) bilim ordasy 2017 jyly álemdegi eń qýatty sýperkompıýter jasap shyqpaqshy, dep habarlaıdy computerworld.com.
Onyń qýaty 130 petaflops bolady, sondyqtan Qytaıdyń Sunway TaihuLight ulttyq sýperkompıýter ortalyǵynda turǵan nusqasynan asyp túspekshi. Onyń ónimdiligi - 93 petaflops.
Japonııanyń sýperkompıýteri asa qýatty ǵana emes ári energııany az jumsaıtyn etip jasalady. TaihuLight ortalyǵyndaǵy kompıýter 15 megavatt jumsasa. ol 3 megavatt qana paıdalanbaq.
Bul esepteýish júıesi jasandy ıntellekt ázirleý, medıtsınalyq derekterdi zerdeleý jáne basqa da tapsyrmalardy oryndaý salasynda paıdalanylady.
