Japonııa AQSh-tan bolat pen alıýmınıı tarıfterinen bosatýdy surady

ASTANA. KAZINFORM – Sársenbi kúni Japonııa AQSh prezıdenti Donald Tramp engizgen bolat pen alıýmınııge jańa 25 paıyzdyq baj salyǵynan bosatýdy surady, dep habarlaıdy Kyodo News.

Mınıstrler kabınetiniń bas hatshysy Esımasa Haıasıdiń málimdeýinshe, úkimet bul ótinimdi Japonııanyń AQSh-taǵy elshiligi arqyly resmı túrde jiberdi. 

Aq úıdiń habarlaýynsha, jańa tarıfter 12 naýryzda kúshine enýi tıis, dep jazdy agenttik. 

2018 jyly, óziniń birinshi merzimi kezinde Tramp bolatqa 25 paıyzdyq jáne alıýmınııge 10 paıyzdyq baj salyǵyn engizgen edi. Alaıda Baıden ákimshiligi kezinde AQSh-tyń birneshe saýda seriktesi, sonyń ishinde Japonııa, bajsyz kirgizýge kvotalar aldy. Japonııa úshin ol 2022 jyldyń sáýirinen bastap jylyna 1,25 mln tonna bolyp belgilendi. Osy kólemnen asatyn barlyq jetkizilimderge baj salyǵy salyndy.

Qarjy mınıstrliginiń málimetinshe, 2024 jyly AQSh-qa japon bolat eksporty 302,6 mlrd ıena (2 mlrd dollar) boldy, bul AQSh-qa eksporttyń jalpy kóleminiń 1,4 paıyzyna teń. Alıýmınıı jáne basqa da ilespe ónimder eksporty 26,4 mlrd ıena boldy. 

Buǵan deıin Tramp Tramp alıýmınıı men bolat ımportyna 25% baj salyǵyn engizdi. 

Óz kezeginde, Eýrokomıssııa prezıdenti AQSh tarıfterine qarsy sharalar týraly aıtty.