Japonııa Afrıkaǵa 32 mlrd. dollar kóleminde ınvestıtsııa quımaq
ASTANA. 1 maýsym. QazAqparat - Japonııa Afrıkanyń damýyna 32 mlrd. dollar bólýge nıet tanytyp otyr.
RBK agenttiginiń habarlaýynsha, bul týraly Iokogamada ótken konferentsııa barysynda Japonııanyń Premer-Mınıstri Sındzo Abe málim etken.
Aldaǵy 5 jyldyń ishinde Afrıka memleketteri japon úkimetinen 14 mlrd. dollar ınvestıtsııa alatyn bolady. Sonymen qatar Tokıo ınfraqurylymdyq jobalarǵa taǵy da 6,5 mlrd. dollar bólýge ýáde etti. Al qalǵan qarajatty japondyq kompanııalar beredi.
«Afrıka ekonomıkasynyń jeke sektoryna ınvestıtsııa qajet. Eger de biz bul faktini ashyq moıyndar bolsaq, onda afrıkalyq memleketterge kómek baǵdarlamasynda shynymen de tóńkeris oryn alady», - dedi S.Abe.
