Japonııa AES-indegi apattan keıin jaıylǵan radıoaktıvti zattar Qytaıǵa áserin tıgizbeıdi
BEIJІŃ. 16 naýryz. QazAqparat /Rýslan Súleımenov/ - Japonııanyń atom-elektr stansasyndaǵy jarylystan keıin jaıylǵan radıaktıvti zattar aldaǵy úsh kúnde,
eń aldymen Japonııanyń Honsıý aralyǵynyń ortalyq jáne soltústik bólikterine áser etýi múmkin, biraz Qytaıǵa jetpeıdi.
Dúnıejúzilik meteorologııalyq uıymnyń Beıjińdegi Aımaqtyq mamandandyrylǵan meteorologııalyq ortalyǵynyń sarapshylary osyndaı qorytyndyǵa kelip otyr.
«Sınhýa» agenttiginiń aqparatyna súıensek, zilzala bolǵan men radıoaktıvti zattar jaıylǵan aýmaqta 16 naýryzda jaýyn-shashyndy, al 17 naýryzda kún bultty bolady dep kútilýde. Jaýyn-shashyn bir jaǵynan radıoaktıvti zattardyń basylýyna sep bolsa, ekinshi jaǵynan apat saldaryn joıý jumystaryna kedergi keltiredi.
Qytaıdyń Qorshaǵan ortany qorǵaý mınıstrliginiń janyndaǵy Memlekettik ıadrolyq qaýipsizdik basqarmasynyń aqparatyna qaraǵanda, júrgizilgen monıtorıngtiń qorytyndysy boıynsha Qytaıda ázirge eshqandaı radıatsııalyq aýytqýshylyq baıqalmaǵan. Qytaı atom-elektr stansalarynyń jumys istep turǵan barlyq energobloktary qaýipsiz jaǵdaıda.
