Japonııa 4,4 mlrd dollar somasynda «vaktsına qoryn» qurmaq

TOKIO. Kyodo-QazAqparat - Úkimettegi derekózder sársenbide Japonııanyń juqpaly aýrýlarǵa qarsy vaktsınalar men jańa preparattar shyǵaratyn fırmalardy qoldaý úshin 500 mıllıard ıen (4.4 mıllıard dollar) qoryn qurýdy josparlap otyrǵanyn málim etti etti, dep habarlaıdy QazAqparat Kyodo agenttigine silteme jasap.

Premer-mınıstr Fýmıo Kıshıda úkimettiń koronavırýsqa jáne Japonııanyń ǵylymy men tehnologııasyna reaktsııasyn kúsheıtýge ýáde berdi. Japondyq kompanııalar COVID-19 vaktsınalaryn jasaýda sheteldik básekelesterden artta qalyp, el sheteldik dozalarǵa senýge májbúr bolǵan kezde bul qordy qurý ıdeıasy paıda bolǵan.

Derekkózderdiń málimetine qaraǵanda, 31 qazanda tómengi palatanyń saılaýynan keıin jasalatyn ekonomıkalyq paket aıasynda úkimet zertteýlerdi kúsheıtýdi jáne Japonııany ǵylym men tehnologııalar eline aınaldyrý maqsatynda «ýnıversıtet qoryn» 600 mıllıard ıenge keńeıtýdi kózdep otyr.

4,5 trıllıon ıendik qor japon ýnıversıtetteriniń bolashaq zertteýlerine ınvestıtsııa salýy úshin naýryz aıyna deıin iske qosylady dep josparlanýda. Kıshıda ony 10 trıllıon ıenge deıin kóbeıtýdi maqsat etedi.