Japonııa 39 prefektýrada TJ rejımin alyp tastamaq
TOKIO. QazAqparat – Japonııada 47 prefektýranyń 39-ynda koronavırýstyń taralý qarqyny báseńdedi. Osyǵan baılanysty beısenbi kúni el úkimeti osy aımaqtarda tótenshe jaǵdaı rejımin alyp tastaý týraly máseleni qarastyrdy.
Tokıo men Osakada tótenshe jaǵdaı rejımi jalǵasa beredi, dep habarlaıdy QazAqparat Kyodo agenttigine silteme jasap.
Agenttiktiń habarlaýynsha, koronavırýs juqtyrý jaǵdaılarynyń jalpy sany 39 prefektýrada azaıǵan.
Tótenshe jaǵdaı rejımi Hokkaıdoda, Tokıonyń elordalyq aýmaǵyna kiretin Chıba, Kanagava jáne Saıtama, sondaı-aq Kıoto, Osaka jáne Hıogoda jalǵasady dep kútilýde.
Saǵat 18:00-de Premer-mınıstr Sındzo Abeniń qatysýymen baspasóz máslıhaty ótedi.
El úkimeti jaqyn qarym-qatynastardan aýlaq bolýǵa, adam jınalatyn jabyq oryndardan, óńirler arasynda saıahattaýdan bas tartýǵa shaqyrýda.
Sáýir aıynyń sońynan mamyr aıynyń basyna deıin ótetin Altyn aptanyń merekesi kezinde COVID-19 juqtyrýdyń jańa jaǵdaılarynyń paıda bolýy múmkin. Osyǵan alańdaýshylyq bildirgen úkimet azamattarǵa qarym-qatynasty shekteýge jáne prefektýradan tys jerlerden bas tartýdy usyndy
Bastapqyda, Premer-mınıstr Sındzo Abe Tokıoda, Osakada jáne basqa da bes prefektýrada 6 mamyrǵa deıingi kezeńde osy aýdandarda juqtyrý jaǵdaılary sanynyń kúrt ósýine baılanysty tótenshe jaǵdaı engizilgeni týraly jarııalaǵan bolatyn. 16 sáýirde tótenshe jaǵdaı rejımi eldiń barlyq 47 prefektýrasyna engizildi.
Buǵan deıin habarlaǵandaı TJ rejımi 31 mamyrǵa deıin uzartyldy.
Búginde elde koronavırýs juqtyrýdyń rastalǵan jaǵdaılarynyń sany 16 700-den asty. Onyń ishinde 700-i – aqpan aıynda karantınge jiberilgen Diamond Princess krýız laıneriniń jolaýshysy. Elde vırýstan 690 adam kóz jumǵan.
