Japonııa 26 naýryzdan memlekettik munaı qoryn bosatýdy bastaıdy
ASTANA. KAZINFORM - Japonııa 26 naýryz, beısenbi kúni memlekettik munaı qorynan shıkizatty bosatýdy bastaıdy. Bul sheshim Taıaý Shyǵystaǵy qaqtyǵys aıasynda alańdaýshylyqtyń artýyna baılanysty qabyldandy, dep habarlaıdy Kazinform Kyodo agenttigine silteme jasap.
Bul týraly seısenbi kúni Japonııa premer-mınıstri Sanae Takaıtı málimdedi.
Tıisti sheshim Taıaý Shyǵystaǵy shıelenistiń Japonııa ekonomıkasyna áserin jumsartý sharalaryna arnalǵan beıindi mınıstrler otyrysynda jarııalandy.
Eske salaıyq, Japonııa 16 naýryzdan bastap Taıaý Shyǵystaǵy qaqtyǵys saldarynan benzın men ózge munaı ónimderi baǵasynyń kúrt ósý qaýpine baılanysty munaı qoryn qysqartýdy bastaǵan.
Bul — Japonııanyń 1978 jyldan beri alǵash ret halyqaralyq úılestirýsiz, óz betinshe memlekettik munaı qoryn bosatýy bolyp otyr.
