Japonııa 2035 jylǵa qaraı energııanyń 90%-yn ekologııalyq taza jolmen óndirýi múmkin
TOKIO. QazAqparat-ROITERS – Kún, jel energııasy men akkýmýlıator batareıalary baǵasynyń túsýi 2035 jylǵa qaraı Japonııa energııanyń 90%-yn ekologııalyq taza jolmen alýy múmkin ekenin bildiredi. Bul týraly amerıkalyq Loýrens Berklı Ulttyq zerthanasynyń zertteýinde aıtylǵan, dep habarlaıdy QazAqparat Reuters agenttigine silteme jasap.
Qujatqa sáıkes, úlesti 90%-ǵa deıin arttyrý 2020 jylmen salystyrǵanda elektr energııasy shyǵyndaryn 6%-ǵa, al energetıka sektoryndaǵy qaldyqtardy 92%-ǵa qysqartýǵa múmkindik beredi. Sondaı-aq, zertteýde ekonomıkalyq, ekologııalyq jáne energetıkalyq qaýipsizdikti qamtamasyz etý úshin 2023 jyldan keıingi kezeńge jańartylatyn energııa kózderin (JEK) engizý boıynsha naqty saıasat kerek delingen.
Byltyr Japonııa G7 tobymen kezdesý aıasynda 2035 jylǵa qaraı klımattyń ózgerýimen kúresý úshin energetıka sektorlaryn aıtarlyqtaı dárejede kómirteksizdendirý mindetin aldy, biraq Tokıo bul maqsatqa jetý úshin naqty jol salyp alýy kerek, dep jazdy basylym.
Japonııa elektr energııasyn óndirýde JEK úlesin arttyrý arqyly 2030 jylǵa qaraı parnıktik gaz qaldyǵyn 46% qysqartýdy kózdep otyr. Qazir el álemde qaldyq kólemi boıynsha besinshi orynda turǵanymen, 2050 jylǵa qaraı kómirtek beıtaraptaǵyna jetýge umtylyp jatyr.
Búginde Japonııa óziniń energetıka sektorynda paıdalanylatyn otynnyń barlyǵyn derlik ımporttaıdy, Bul eldiń energetıkalyq qaýipsizdigine qaýip tóndiredi. Kún, jel, gıdroenergetıka, bıomassa, sýtek jáne ıadrolyq kózderden óndiriletin taza elektr energııasy jalpy kólemniń 24%-yn quraıdy.
Japonııa úkimeti 2035 jylǵa qaraı JEK pen teńiz jel energııasy úlesin 70%-ǵa jetkizýdi kózdeıdi. Al atom jáne gaz energııasynyń úlesi - 20% jáne 10%. Jumys istep turǵan kómirtek elektr stantsııalaryna keler bolsaq, olar birtindep eksplýatatsııadan shyǵarylady, delingen zertteýde.
Avtor: Serıkbol Koshmaganbetov
