Japonııa 2022 jyly fýtboldan Álem chempıonatyn qabyldaýǵa ázir
ASTANA. QazAqparat - Japonııa fýtbol qaýymdastyǵynyń prezıdenti Daını Kýnııa óz eliniń 2022 jyly fýtboldan Álem chempıonatyn qabyldaýǵa daıyn ekenin málimdedi. Bul týraly Day.Az agenttigi habarlady.
«Eger FIFA Katardan basqa el izdeıtin bolsa, bizde barlyq álemdik talaptarǵa jaýap beretin stadıondar qazirdiń ózinde bar dep aıtar edim. Biz búginde 2020 jylǵy Olımpıadany ótkizý quqyǵyn jeńip aldyq, endi álem chempıonatyn da ótkizýdi qalaımyz. Degenmen, bunyń múmkin ekendigin tolyq bilmeımin», - deıdi Kýnıı.
Aıta keteıik, ÁCh-2022 ótkizý quqyǵy Katarǵa berilgen bolatyn.
Alaıda týrnırdi ótkizýge daıyndyq barysynda kóptegen jemqorlyq daý-damaıdyń shyǵýyna baılanysty, bul másele ekiushty bolyp tur.
