Japonııa 2020 jylǵy Olımpıadada drondardy paıdalanýǵa tyıym salady
ASTANA. QazAqparat - Japonııa úkimeti pılotsyz ushý apparattaryn lańkestik maqsatta, sondaı-aq qaýipti suıyqtyqtardy taratýda qoldanylýy múmkin dep esepteıdi.
Japonııa úkimeti 2020 jyly jazǵy Olımpıada oıyndary kezinde sportshylardyń turatyn orny men sport nysandarynyń janynda pılotsyz ushý quraldaryn paıdalanýǵa tyıym saldy. Bul týraly Kyodo agenttigi habarlady.
Ol úshin bılik taıaý ýaqytta qazirgi qolnanystaǵy zańdy qaıta qaramaq. Jańa shara kelesi jyly, regbıden Álem kýbogy kezinde bastalady. Aldyn ala josparǵa sáıkes, AQSh áskerı bazasy men Japonııa qorǵanys kúshteriniń mańyndaǵy aýdandarda da pılotsyz ushyrylymǵa tyıym salynbaq.
Úkimettiń paıymdaýynsha, pılotsyz qurylǵylar lańkestik maqsattarda, sondaı-aq qaýipti suıyqtyqtardy taratýda paıdalanylýy múmkin. Sondyqtan, zańǵa ózgeris engizgennen keıin Japonııa polıtsııasyna mundaı quraldardy ıelerinen alyp qoıýǵa ruqsat etiledi.
Qazirgi qoldanystaǵy zań áýe aılaǵynyń mańyndaǵy aımaqtarda drondardyń ózdiginen ushýyna tyıym salady. Olardy túngi ýaqytta ruqsatsyz paıdalanýǵa bolmaıdy. Zańdy buzǵandarǵa salynatyn aıyppul kólemi 500 myń ıen ($4,5 myń).
HHHII jazǵy Olımpıada oıyndary Tokıoda 2020 jyly 24 shildeden 9 tamyzǵa deıin ótedi. Sporttyq is-sharany uıymdastyrýǵa 2 trln ıen ($17,8 mlrd) jumsalmaq.
