Japonııa 2011 jyldan beri alǵash ret AES salmaq

ASTANA. KAZINFORM — Japonııa 2011 jyldan beri alǵashqy atom elektr stantsııasyn salýǵa daıyndalyp jatyr, dep habarlaıdy NHK. 

Kansai Electric Power Co. energetıkalyq kompanııasy «Mıhama» atom elektr stantsııasynyń birinshi energoblogyn qaıta qurýǵa daıyndyq aıasynda geologııalyq zertteýler men basqa da tıisti jumystardy júrgizedi.

«Mıhama» AES-i — Fýkýı prefektýrasynda ornalasqan.

Jańa nemese aýystyrylatyn energoblok salynsa, bul 2011 jyly Fýkýsıma AES-i apatynan keıingi alǵashqy atom elektr stantsııasy jobasy bolatyny naqtylandy.

Telearna aqparat kózderiniń habarlaýynsha, energetıkalyq kompanııa tamyz aıynda zertteý jumystarynyń bastalýy týraly resmı málimdeme jasaıdy dep kútilip otyr.

Eske sala keteıik, Japonııada eki aral úsh kúnniń ishinde bir-birinen 10 santımetrge alystap ketti.