Japondyqtarǵa bıik qonaqúıler salýǵa ruqsat berildi
ASTANA. QazAqparat - Japonııa úkimeti shaǵyn aýdanda bıik qonaqúıler salýǵa shekteýdi alyp tastaýdy uıǵardy, dep habarlady TASS.
Japon zańdary boıynsha qonaqúıdiń barynsha bıik bolýy onyń irgetasynyń aýdanyna baılanysty, sonyń niátıjesinde bıznes-klastaǵy qymbat emes qonaq úılerdegi nómirlerdiń aýdany 18-20 sharshy metrden aspaıdy, ádette olar 12 qabattan bıik emes.
Endi mundaı qonaqúılerdiń qabaty 20-ǵa deıin bıikteýi múmkin - bul kóbirek týrıster qabyldaýǵa jáne nómirler baǵasyn arzandatýǵa múmkindik beredi.
Qonaqúıler operatorlary qurylys josparyn jergilikti ókimet oryndarymen kelisýi tıis, eger olar tym bıik qurylystar qala kelbetine nuqsan keltiretinin nemese joldarda úlken keptelister týdyratynyn dáleldeı alsa, mundaı bıik ǵımarattar salýǵa tyıym sala alady.
Japon úkimeti týrızmge basa kóńil bólýde, ony ekonomıkalyq ósim úshin yntalandyrý retinde qarastyrady, alaıda qazirdiń ózinde Tokıoda jáne eldiń basqa da iri qalalarynda qonaqúıler nómirleri jetispeıtini sezilýde.
