Japondyqtar jasaǵan taǵy bir robot álemdi tańǵaldyrdy
ASTANA. QazAqparat - Tokıodaǵy jergilikti dúkenderdiń birinde áıel keıpinde jasalǵan qultemir halyqqa qyzmet kórsetýde. Ol tutynýshylardy esikten qarsy alyp, qajetti málimetter beredi. Kerek deseńiz, án de aıtyp beredi, dep jazady 24.kz.
Aıko Chıhıra atty robot óz mindetin jaqsy biledi. Tutynýshylarǵa qajetti málimetter usynyp, alǵashqy jumys kúnine kirisip te ketken.
Toshiba kompanııasynyń ınjenerleri bul erekshe qultemirdi satyp alýshylarǵa qyzmet kórsetý úshin arnaıy oılap shyǵarǵan. Aıko Chıhıra ázirge tek japon tilinde sóıleıdi. Alaıda mamandar bolashaqta saıahatshylarǵa da túsinikti bolý úshin ony basqa da tilderde sóıleıtinin aıtyp otyr.
