Japondyqtar Naýryz toıyna tilegin qazaqsha jetkizdi
Syrtqy ister mınıstrliginiń telegram-paraqshasynda Japonııadan jetken quttyqtaý vıdeosy jaryq kórdi. Onda japonnyń ulttyq kıimin kıip, rıksha mingen japondyq qazaq tilinde «Naýryz qutty bolsyn!» dep, aqjarma tilegin áýenmen jetkizgen.
Vedomstvonyń málimetinshe, vıdeodaǵy Satoshı Akao - «Central Asia Visa Centre» kompanııasynyń basshysy jáne Orta Azııa men Kavkaz ınstıtýty hatshylyǵy jetekshisiniń orynbasary. Kásibı jumysyna baılanysty ol Qazaqstannyń Japonııadaǵy elshiligindegi is-sharalarǵa belsene qatysady. Onyń hobbıi - án aıtý. Ol Japonııadaǵy án baıqaýlarynda jıi óner kórsetip júr.
Aıta keteıik, 21 naýryz kúni Japonııada Kóktemgi kún men túnniń teńelý merekesi atalyp ótedi. Bul memlekettik mereke - salt-dástúrdi eske alyp, aınaladaǵy adamdarǵa qurmet kórsetetin kez. Osy kezde sakýra gúldeı bastaıdy, sondyqtan bul mereke aınala qulpyryp, kóktemniń kelgenin aıshyqtaıdy.
«Sondyqtan japondyqtar Naýryz merekesiniń mánin jaqsy túsinedi. Qazaqstannyń Japonııadaǵy elshiligine jıi kelip turatyn Satoshı Akao osy kúni qazaqstandyqtardy ózgeshe ádispen quttyqtaǵysy kelip, vıdeo arqyly qazaqsha tilegin jetkizdi», - deıdi elshilik qyzmetkerleri.
