Japondyqtar álemdegi eń jyldam lıfti jasap shyǵardy
ASTANA. QazAqparat - Hitachi Ltd elektrotehnıka óndiretin iri japondyq kompanııa saǵatyna 72 shaqyrymǵa deıin jyldamdyqpen qozǵalatyn álemdegi eń jyldam lıfti jasap shyǵarǵan. Bul týraly ITAR-TASS habarlady.
Osyǵan deıin Taıvan lıftisi eń jyldam jedelsaty retinde sanalatyn. Onyń qozǵalys jyldamdyǵy saǵatyna 60,6 shaqyrymǵa deıin jetetin.
Hitachi mamandarynyń sózine qaraǵanda, jańa lıftini jasaýda joǵary jyldamdyqqa qol jetkizý úshin olar qýatty qozǵaltqysh pen burynǵydan áldeqaıda jeńil arqandardy paıdalanǵan.
Jańa konstrýktsııany kelesi jyldan bastap Qytaıdyń Gýanchjoý qalasynda salynyp jatqan bıiktigi 530 metr bolatyn 111 qabatty ǵımaratta paıdalana bastaıdy.
Hitachi óziniń ónimin Qytaı naryǵyna jyljytýdy josparlap otyr. Bul elde lıftige qajettilik álemdik suranystyń 60 paıyzyn quraıdy, dep habarlady kompanııanyń ókili Tosııýkı Ono.
