Japondyqtar álemdegi eń qýatty sýperkompıýterdi iske qospaq
ASTANA. Qyrkúıektiń 29-y. QazAqparat - Fujitsu kompanııasy álemdegi eń qýatty eseptegish keshenine arnalǵan «K» júıesi dep atalatyn apparattyq bloktardyń jetkizilimin bastaǵanyn habarlap otyr. Sýperkompıýter eki jyldan keıin jumys isteı bastaıtyn bolady,
dep habarlaıdy "Kompıýlenta" ınternet-basylymy.
Sýperkompıýter 10 sanynyń 16-shy dárejedegi ataýyn bildiretin japondyq "kei" sóziniń qurmetine atalyp otyr. Basqasha sózben aıtqanda, eger bári oıdaǵydaı bolsa, iske qosylǵan kezde bul júıe 10 petaflopske deıingi qýatqa ıe bolady (petaflops - kompıýterdiń sekýndyna jyljymaly núkteli 1 kvadrıllıonǵa deıin (24 nóli bar birlik) esep shyǵarý múmkindigi). Salystyrar bolsaq, AQSh-tyń Oýkrıdj ulttyq zerthanasyndaǵy qazirgi eń qýatty sýperkompıýter sanalatyn Jaguar kesheniniń qýaty 1,76 petaflopsty quraıdy.
«K» sýperkompıýteri Japonııa Memlekettik ınstıtýtynda (Riken) qurastyrylatyn bolady jáne ol jalpy alǵanda 800 kompıýter turatyn oryndy alady.
