Japondyq stýdentter Dımashtyń ánderin dáris retinde tyńdaıdy

NUR-SULTAN. QazAqparat – Japonııanyń eń iri ýnıversıteti oqý baǵdarlamasyna Dımash Qudaıbergenniń ánderin engizdi, dep habarlaıdy QazAqparat dimashnews.com saıtyna silteme jasap.

Ýnıversıtet orys tili kýrsyn ashyp, oqý baǵdarlamasyna Dımash Qudaıbergenniń ánderin engizgen. Atap aıtqanda, stýdentter «ıA skýchaıý po tebe», «Znaı» jáne «Lıýbov ýstavshıh lebedeı» atty 3 ánimen tanysady.

Kýrs baǵdarlamasy ár jeksenbide BS TV-de kórsetiletin 15 dáristi qamtıdy. Bul dárister 3 sáýir men 10 shilde aralyǵyna eseptelgen jáne tek qana Japonııada taratylady. Osy aralyqta stýdentter Dımashtyń ánderin 3 ret tyńdaıdy.

Aıta keteıik, Chıba aımaǵynda ornalasqan «The Open University of Japan» – kúnshyǵys eliniń eń tanymal ýnıversıteti. Onda 80 myńǵa jýyq stýdent qashyqtyqtan bilim alady.

Jýyrda reseılik mánerlep syrǵanaýshy, 2018 jylǵy Olımpıada oıyndarynyń eki dúrkin kúmis júldegeri, eki dúrkin álem chempıony Evgenııa Medvedeva ánshi Dımash Qudaıbergenniń oryndaýyndaǵy «Your love» ánimen erekshe óner kórsetkenin eske salamyz.