Japondyq sharýa salmaǵy jarty tonna bolatyn asqabaq ósirdi
ASTANA. 24 qyrkúıek. QazAqparat - Japondyq sharýa salmaǵy 485,1 kılogramm bolatyn asqabaqty ósirdi, dep habarlaıdy Rosbalt.
Asqabaq jalpyulttyq «Japonııadaǵy eń úlken asqabaq» saıysynda bas júldeni alǵan.
Saıysqa eldiń túrli aýdandarynan 31 asqabaq tapsyrylǵan. Alyp asqabaqtyń ıesi Kodzı Ýeno ekinshi jyl qatarynan bas júldege ıe bolyp otyr.
Endi ol 19 qazan kúni AQSh-tyń Oregon shtatynda ótetin halyqaralyq alyp asqabaqtar saıysyna qatyspaq.
