Japondyq órmekshi órmeginen skrıpkanyń shegin esip shyqty
ASTANA. 6 naýryz. QazAqparat - Japondyq zertteýshi órmekshi órmeginen skrıpkaǵa shek esip shyqty, dep habarlady Bı-Bı-Sı.
Synshylardyń pikirinshe, bul shekter jumsaq, metaldan nemese maldyń taramysynan jasalǵan shekterden góri áýezdi dybys shyǵaratyn kórinedi. Physical Review Letters ǵylymı jýrnalynyń habarlaýynsha, mundaı qasıeti tinderiniń tyǵyz órilýinen bolsa kerek.
Nara medıtsınalyq ýnıversıtetiniń qyzmetkeri Sıgeesı Osakı órmekshi jibiniń mehanıkalyq qasıetterin kópten beri zerttep júr. Ol órmek talshyqtarynyń fızıkalyq tabıǵatyn zerttep, onyń beriktigin jáne basqa da qasıetterin anyqtady. Ol qolda ósirilgen órmekshilerden alynǵan talshyqtardy jetildirý ádisin tapty.
Osakı órmegi kúrdeli Nephila maculate órmekshisi órmeginen talshyqtar aldy. Odan esken órmek talshyqtary neılonnan ta berik bolyp shyqty. Bul skrıpkanyń shek úshin taptyrmaıtyn materıal. Onyń ústine kásibı mýzykanttar bul shekterdiń dybystalýy biregeı eken degen pikirin aıtqan.
