Japondyq oqýshylar qaǵaz oqýlyqtaryn elektrondyqqa aýystyrady
ASTANA. QazAqparat - Tórt jyldan keıin japondyq oqýshylar elektrondyq oqýlyqtardy paıdalanady. Osyndaı sheshim beısenbi kúni eldiń Bilim mınıstrliginde qabyldandy.
Planshet túrindegi elektrondyq oqýlyqtar kórnekiligi, sondaı-aq oqý protsesinde sýret jáne dybys fýnktsııalaryn qosýdyń arqasynda oqytý múmkindikterin keńeıtip otyr. Bul aǵylshyn tilin oqytý sapasyn arttyryp, sondaı-aq múgedek balalardy oqytý múmkindikterin keńeıtedi, dep sanaıdy mınıstrlikte.
Bastapqyda elektrondyq oqýlyqtar qaǵaz oqýlyqtarmen birdeı paıdalanylady, odan keıin kitaptar aınalymnan shyǵaryla bastaıdy. Degenmen memlekettiń barlyq oqýshylardy tegin planshettermen jabdyqtaı almaıtyny atap ótilýde. Osylaısha, shyǵyndardyń bir bóligi ata-analardyń ıyǵyna túsedi, dep jazady Rosbalt.
Kútilip otyrǵandaı, jańashyldyqtyń tájirıbe júzinde engizilýine daıyndyq jumystary 2016 jyldyń sońynda bastalady.
