Japondyq oqýshy synyptasynyń basyn kesip tastady
ASTANA. QazAqparat - Japondyq Sasebo qalasynda 15 jastaǵy oqýshy synyptasyn aıýandyqpen óltirdi. Kinásin moıyndaǵan qyz bul áreketine esh ókinbegenin bildirdi, dep habarlady Japan Times.
Qaıǵyly oqıǵa 27 shildede túngi ýaqytta bolǵan. Qylmyskerdiń synyptasy Aıva Matsýo ata-anasyna qurbysynda qonatynyn aıtqan. Tańerteń úıine oralmaǵan qyz, telefonǵa da jaýap bermegen. Ata-anasy bul jaıly polıtsııaǵa habarlaǵan. Qyzdyń úıine barǵan tártip saqshylary onyń kereýetinde bassyz qalǵan Aıva Matsýonyń óli denesin kórgen.
Polıtseılerdiń sózine qaraǵanda, oqýshy synyptasyna aýyr zatpen soqqy jasap, qylqyndyryp, keıin basyn kesip tastaǵan. Japondyq qyz synyptasynyń qolyn da kesip tastaǵan eken. Keıin ol óz kinásyn moıyndady. Ony bul zulymdyqqa ne ıtermelegeni belgisiz. Tártip saqshylary qylmysker ata-anasynan bólek turǵanyn anyqtaǵan.
Dostarynyń sózine qaraǵanda qylmysker aqyldy, biraq tez ashýlanatyn qyz bolǵan. Ony qandaı jaza kútip turǵany ázirge belgisiz.
