Japondyq mamandar «kórinbeıtin» poıyzdar shyǵarǵaly jatyr
ASTANA. QazAqparat - Saǵatyna 300 shaqyrym jyldamdyqpen júre alatyn poıyzdardy jasap shyǵarǵan Japonııa ınjenerleri munymen toqtap qalmaq emes.
Endi olar biregeı joba - «kórinbeıtin» poıyzdardy qurastyryp jatyr.
Qazirgi ýqytta sáýletshi Kazýe Sedzıma men onyń toby qorshaǵan ortamen «tutasatyn» quramdy shyǵarýmen aınalysýda. Atalǵan joba Seibu Group kompanııasynyń tapsyrysy boıynsha daıyndalyp jatyr. Ataqty Red Arrow poıyzynyń jańa nusqasy kompanııanyń 100 jyldyǵyna qarsańynda daıyn bolady.
Sáýletshiniń oılastyrǵanyndaı, quram jartylaı shaǵylystyratyn materıalmen jabylyp, sol arqyly kórinbeıtin bolady. Sondaı-aq ózgerister onyń ıntererine de qatysty - sapar kezinde jolaýshylardyń ózderin úıde júrgendeı sezinip, demalýy úshin poıyzdyń ishinde barlyq jaǵdaı jasalady.
Bul ózgerister poıyzdardyń shekteýli sanyna ǵana engiziletini shamalanyp otyr, mundaı jańǵyrtý jumystary birinshi kezekte 1993 jyldan beri qyzmet etip júrgen Seibu 1000 serııaly elektr poıyzdarynda júrgiziledi. Qorshaǵan tabıǵı ortaǵa 100 paıyz enip ketetin quramdar 2018 jyldan bastap jolǵa shyǵady.
