Japondyq keıýana orta mektepti 91 jasynda támamdady
ASTANA. Naýryzdyń 11-i. QazAqparat - Japonııanyń Kobe qalasyndaǵy mamandandyrylǵan keshki mektepti eń eresek oqýshy támamdady, ol kisi mektep attestatyn 91 jasynda alyp otyr,
dep habarlaıdy Lifenews.Ru basylymy.
Sıdzýe Hıraı esimdi keıýananyń taǵdyryn ońaı dep aıtý qıyn. Ol kisi jastaıynan jetim qalyp, 12 jasynan eńbekke aralasqan. 18 jasynda turmysqa shyqqan, biraq kúıeýi 5 aıdan keıin Azııadaǵy soǵysta opat bolǵan. Soǵys aıaqtalǵannan keıin Sıdzýe hanym taǵy da turmysqa shyqqan jáne 4 bala tárbıelep ósirgen. 1995 jyly Hansındegi zulmat zilzala kezinde onyń úıi órtenip ketedi. Ne kerek, ómirdiń qıyndyǵyn jeńe bilgen Hıraı hanym 2007 jyly ǵana Kobedegi keshki mektepke oqýǵa túsedi.
«Bul mektep - meniń jastyq shaǵym dese de bolady. Kezinde joǵaltqanymnyń bárin qaıtaryp alǵandaı bolyp otyrmyn. Úsh jyl oqý kózdi ashyp-jumǵansha óte shyqty. Búgingi kúnim ómirimdegi jańa joldy bastaıtyn kún bolsynshy», dedi keıýana attestatyn keýdesine qysyp turyp.
