Japondyq keıýana Everesti baǵyndyrmaq
ASTANA. Sáýirdiń 23-i. QazAqparat - Japondyq keıýana biraz jasqa kelip qalǵanyna qaramastan, álemniń eń bıik shyńy - Everest taýyn baǵyndyrmaq bolyp sheshti,
dep habarlaıdy IANS agenttigi.
Qazir Nepalda daıyndyq júrgizip jatqan tokıolyq 71 jastaǵy zańger Eıko Fýnahısı hanym úshin bul Everestke kóterilýdiń ekinshi talpynysy bolady. Djomolýngma dep te atalatyn bul taýdyń bıiktigi 8848 metrdi quraıdy. Fýnahısı hanym buǵan deıin 2002 jyly Everesti alǵash ret baǵyndyrmaq bolǵan, biraq ol sapary sátsiz aıaqtalǵan.
Fýnahısı hanym quramyna 9 adam kirgen halyqaralyq ekspedıtsııanyń quramynda taýǵa kóterilmek, ekspedıtsııaǵa jańazelandııalyq Mark Výdvord jetekshilik etedi.
Qazirgi tańda Everesti baǵyndyrǵan álemdegi eń qart áıel, Fýnahısı hanymnyń jerlesi Tame Vatanabe bolyp sanalady. Ol álemniń eń bıik shyńyna 2002 jyly 63 jasynda kóterilgen. Everesti baǵyndyrǵan alǵashqy áıel de japondyq bolyp tabylady - Dzıýnko Tabeı 1976 jyly shyńǵa kóterilgen bolatyn.
