Japondyq ınjener dáristerde uıyqtap qalatyn stýdentterge arnaıy kózildirik oılap tapty
ASTANA. QazAqparat - Tsýkýba ýnıversıtetinde japondyq ınjener Hırotaka Osava dáristerde uıyqtap qalatyn stýdentterge arnaıy kózildirik oılap tapty, dep jazady rosbalt.
AgencyGlass dep atalatyn qurylǵy kameramen jáne OLED dıspleımen jaraqtalǵan, adam kózin jumyp turǵannyń ózinde dıspleı anımatsııalyq kózderdi salyp turady.
Adam basyn ızegen kezde kózder bir ret jypylyqtaıdy, al basty shaıqasa, birneshe ret jumyp ashady. Eger basyńyz shalqaıyp nemese eńkeıip ketse, esh qıyndyq joq, ol «kózder» áńgimeleýshi adamǵa qarap turatyn bolady.
AgencyGlass «kózderi» tipti ary-beri júrip, dáris oqyp otyrǵan adamnyń qozǵalysyn baǵyp otyrady.
Degenmen, Hırotaka Osava óziniń jańalyǵyna úlken mán bermeıdi, sebebi bul onyń kóptegen qyzyqty eksperımentteriniń biri ǵana dep esepteıdi.
