Japondyq hanzada ınfektsııadan kóz jumdy
ASTANA. QazAqparat - Japonııada 67 jasqa qaraǵan shaǵynda Imperator Akıhıtonyń nemere inisi hanzada Katsýra ómirden ozdy. Bul týraly japondyq BAQ ımperatorlyq saraıdyń basqarmasyna silteme jasap habarlady.
Búgin tańerteń hanzada shuǵyl túrde ınfektsııalyq derttiń saldarynan densaýlyǵynyń nasharlaýyna baılanysty aýrýhanaǵa jetkizilgen. Dárigerler jergilikti ýaqyt boıynsha saǵat 10:55-te onyń ólimin belgiledi. Hanzada Katsýra Imperator Akıhıtonyń aǵasy Takahıtonyń ekinshi uly. Ol ımperatorlyq taq muragerleri úmitkerleriniń arasynda altynshy boldy. Katsýra Tokıodaǵy Gakýsıýın ýnıversıtetinde quqyq fakýltetin jáne avstralııalyq Ulttyq ýnıversıtetti támamdaǵan. Uzaq jyldar boıy japondyq NHK teleradıo korporatsııasynda ákimshilik qyzmetti atqardy. 1988 jyly hanzada ınsýltke shaldyǵyp, osydan keıin densaýlyǵy nasharlady. Degenmen de ol dertine qaramastan Japonııa men Avstralııa jáne Jańa Zelandııa arasyndaǵy ekijaqty qatynastardy damytýda belsendi jumystar júrgizgen kórinedi.
