Japondyq ǵalymdar bolattan da berik áınek jasap shyǵardy
ASTANA. QazAqparat - Tehnıkaǵa zerek japondyqtar osy joly asa berik áınek shyǵarýdy qolǵa aldy, dep habarlady https://globalscience.ru.
Mundaı áınek, shoıynnan da, bolattan da berik. Osy jańa tehnologııa odan ári ártúrli salalarda osyndaı materıaldardy qoldanýǵa múmkindik bermek.
Bul jasalymmen Japonııa kópten beri aınalysyp kele jatqan bolatyn, ol erkin saýdaǵa bes jyldan keıin ǵana shyǵarylmaqshy. Jańa materıal ártúrli salada qoldanylatyn bolady. Máselen, beriktigi joǵary áınek jabyn aqyldy úıler - HMPS qurylysynda paıdalanylatyn bolady. Sondaı-aq smartfondar men planshetter de shette qalmaıdy.
Mundaı dıspleıdi syndyrý múmkin emes. Sondyqtan da jańa jasalymdy avtomobıl jasaýda da paıdalaný josparda bar, sonda jol-kólik apaty edáýir azaımaq. Óndiristik kásiporyndar, avıa jáne ǵarysh, medıtsına, jańa tehnologııalar jáne basqa da salalarda oǵan degen suranys kúshti bolmaq.
Tokıo ýnıversıtetinde jasalǵan áınek bolattaı berik bolýymen qatar jeńil jáne juqa túrde óz qasıetin joıǵan joq. Jańa materıal óndirisinde alıýmınıı oksıdi mol paıdalanylǵan, ol áınektiń mehanıkalyq beriktigin arttyra túsedi.
